भांगरभूंय | प्रतिनिधी
काम जमना, चल घरा, धोरण पयलीं सावन चालीक
कॅलिफोर्निया, खबरां संस्था: भोवचर्चीत सोशल मिडिया प्लॅटफॉर्म फेसबूक आनी इन्स्टाग्राम चलोवपी मूळ कंपनी ‘मेटा’न सुमार ३ हजार कर्मचार्यांक नोकरे वेल्यान काडपाचो निर्णय घेतला. वट्ट कर्मचार्यांतले हे ५% कर्मचारी आसात. मेटाचे उपाध्यक्ष (मनीस संसाधन) जेनेल गेल हांणी सांगलें, ज्या कर्मचार्यांक नोकरे वेल्यान काडपाचे आसात तांकां सोमारा सकाळीं ई- मेला वरवीं कळयतले.
‘मेटा’न हायब्रीड वर्क मॉडेल स्वीकारलां. हातूंत कर्मचार्यांक सप्तकांत ३ दीस ऑफिसांत येवप गरजेचें आसता. मात, सोमारा सावन घरांतल्यान काम करप्यांक ‘इन- पर्सन वर्क’त मेजतले. मेटाचे सीईओ मार्क झुकेरबर्ग हांणी फाटल्या म्हयन्यांतूच कर्मचार्यांक नोकरेंतल्यान काडपाची कल्पना दिल्ली. कंपनी परफॉर्मन्स स्टँडर्ड वाडयता. अपेक्षे परस उण्या दर्जाचें काम करप्यांक, आळस, कामचुकारपण करप्यांक बेगीनूच थंयच्यान काडटले, अशें तांणी सांगिल्लें. सादारणपणान मेटा कंपनी दर वर्सा उणो परफॉर्मन्स आसपी कर्मचार्यांक १ वर्सांत टप्प्याटप्प्यांनी काडून उडयत आसता. मात हे फावटींची कपात ताज्या परफॉर्मन्स रिव्ह्यूच्या आधाराचेर करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
