भांगरभूंय | प्रतिनिधी
भांगरभूंय । खबरां मेज
पणजी : म्हैसुरांतल्या केंद्रीय भारतीय भाशा संस्थेक राष्ट्रीय अणकार मोहिमे खातीर कोंकणी उमेदवार जाय. ताका थारावीक मानधनाचेर कंत्राटी पद्दतीचे नेमतले. ही नोकरी एका वर्सा खातीर आसा. पूण उमेदवार अणकाराचे बाबतींत फिशाल आसल्यार कार्यकाळ वाडयतले. सरकारी राखीवता धोरणा प्रमाण हो जागो भरतले.
गरजेचें : भारतीय भाशा घेवन मान्यताप्राप्त विद्यापीठाचे एमए पदवी, उणेच 55 टक्के गुण. कोंकणी, इंग्लीश आनी हिंदीचे प्रभुत्व आसपाक जाय. संगणकाचें गिन्यान गरजेचें.
इत्सीक : खंयचे नामनेचे संस्थेंत काम केल्ल्याचो उणोच दोन वर्सांचो अणभव. इंग्लिशीचेर शेक, पत्र बरोवप, वाक्य रचना हाची म्हायती आसपाक जाय. दोन वा चड भारतीय भाशांचें गिन्यान आसचें. ह्या ज्युनियर रिसोर्स पर्सन (कोंकणी) पदा खातीर उण्यांत उणी पिराय 45 वर्सां आसा.
जागे – एकूच, पगार दर म्हयन्याक 42,931 रुपया मेळटलो. शिक्षणिक पात्रताय एमए, एमएस्सी, एमकाॅम, एमसीए आनी हेर आसची. नोकरी भाशा संस्थेंत पूर्ण वेळ आसतली.
उमेदवाराक इंग्लिशींतल्यान कोंकणी आनी कोंकणींतल्यान इंग्लिशींत करपाक कळपाक जाय. कोंकणी अणकार कामाचें निरिक्षण, समन्वयन करचें पडटलें. संस्था दिता तीं भाशा विशयक कामां करचीं पडटलीं.
अर्ज करपाची निमणी तारीख 12 फेब्रुवारी आसा. https://apply.ciil.org/single_jobs/240 ह्या लिंकाचेर वचून अर्ज करुं येता, अशें संस्थेन कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
