भांगरभूंय | प्रतिनिधी
अमृतसर, खबरां संस्था: अमेरिकेंत बेकायदेशीरपणान रावपी १०४ भारतीय स्थलांतरितांचो पयलो गट बुधवारा अमृतसराक पावलो. तांकां घेवन आयिल्लें सी-१७ ग्लोबमास्टर विमान हवाई दळाच्या तळार देंवलें. हातूंत पंजाबाचे ३०, हरियाणा आनी गुजराताचे दरेकी ३३ जाणांचो आसपाव आसा. तशेंच, महाराष्ट्रांतले ३ आनी उत्तर प्रदेश आनी चंदीगडांतले दरेकी दोग जाण आसात. तांकां अमेरिकेन परत धाडल्यात.
अमृतसर विमानतळाच्या सुरक्षा अधिकार्यांच्या मतान, ह्या लोकांची पडताळणी केली. हांगच्यान, इमिग्रेशन आनी कस्टम्सा कडल्यान मंजुरी मेळ्ळे उपरांत, ताका पंजाब पुलिसांचे सुवादीन दिले. अमेरिकेन वट्ट २०५ बेकायदेशीर भारतीयांक परत धाडपाचें थारायलां. तशेंच १८६ भारतीयांक धाडपाची वळेरीय तयार केल्या. उरिल्ले लोक खंय आसात आनी तांकां केन्ना धाडलें हें आजूनय स्पश्ट जावंक ना.
यूएस इमिग्रेशन अँड कस्टम्स एन्फोर्समेंट प्रमाण, १९ हजार बेकायदेशीर भारतीय स्थलांतरितांक परत धाडटले. भारताचे प्रधानमंत्री नरेंद्र मोदी १२ फेब्रुवारीक दोन दिसांच्या अमेरिकेच्या दौर्याचेर वचपाचे आसतना अध्यक्ष डोनाल्ड ट्रम्प हांणी ही कारवाय केली. प्रधानमंत्री ट्रम्प हांची भेट १३ फेब्रुवारीक घेतले.
अमेरिकन लश्करी विमान भारतीय वेळा प्रमाण ४ फेब्रुवारीक सकाळीं ३ वरांचेर अमेरिकेंतल्या सॅन अँटोनियोला गेलें. अमेरिकेन स्थलांतरितांक धाडपा खातीर लश्करी विमानांचो पयले फावट वापर केला. भारतीयांक परत धाडपाक भारतीय चलनांत सुमार ६ कोटी रुपया खर्च जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
