भांगरभूंय | प्रतिनिधी
नवी दिल्ली, खबरां संस्था: राजधानी दिल्लींत आयज विधानसभेच्या ७० सुवातां खातीर मतदान जातलें. आप पक्ष आनी विरोधी पक्ष कॉंग्रेस आनी भाजपा अशी लढत हांगा पळोवपाक मेळटली. वेंचणूक जाहीर जाल्ल्याक आरोप प्रत्यारोप करीत वादळी प्रचार जालो. राजधानींत वट्ट एक कोटी ५६ लाख मतदार आसात. मतां वाडोवपा खातीर विवीध वेवसायिकांनी सवलती जाहीर केल्यात.
मतांचे टक्के वाडोवपाचे यत्न
८ फेब्रुवारीक मतमोजणी जातली. मतदान कितलें जाता होर निकालाचें गणीत निंबून आसा. मतदाना उपरांत सलून तशेंच ब्युटी पार्लरांनी २० ते ५० टक्के सवलत उद्देग आनी वेपार संघटणेन (सीटीआय)जाहीर केल्या. पांचशें दुकानदारांनी हे येवजणेंत वांटो घेतिल्ल्याचें संघटणेन जाहीर केलें. मतांचे टक्के वाडोवपा खातीर ह्यो यवजण्यो आशिल्ल्याचें चेंबर ऑफ ट्रेड अँड इंडस्ट्रीजचे(सीटीआय) अध्यक्ष ब्रिजेश गोयल हांणी सांगलें. हॉटेल तशेंच मॉलांनीय मतदान केले उपरांत १० ते ५० टक्के सवलत मेळटली.
वट्ट ७० सुवातो
मतदार १ कोटी ५६ लाख
मतदान केंद्र १३ हजार ७६६
वट्ट उमेदवार ६९९
मतदान सकाळीं सात ते सांजेवेळार स वरां मेरेन चलतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
