भांगरभूंय | प्रतिनिधी
कोल्हापूर, खबरां संस्था: गोंयच्यान छत्रपती संभाजीनगरा कडेन वचपी खाजगी आराम बसीचो करवीर (कोल्हापूर) म्हालांतल्या कांडगांवां अपघात जाल्ल्यान एकल्याक मरण आयलें. ताचें नांव अमोल परशुराम भिसे (छत्रपती संभाजीनगर) अशें आसा. ३० परस चड जाण जखमी जाल्यात. कांय जाण गंभीर आसात.
मेळिल्ले म्हायती प्रमाण, छत्रपती संभाजीनगरांतले एके कंपनीचे देडशें कर्मचारी गोंयचे भोंवडेर आयिल्ले. परततना ही बस उमथली. जखमींक कोल्हापुरच्या सीपीआर हॉस्पिटलांत उपचार सुरू आसा.
नेमकें कितें घडलें?
गोंयच्यान भायर सरिल्ली ही बस कणकवले जेवणा खातीर राविल्ली. उपरांत ती कोल्हापूर वचपाक भायर सरली. हांगा कांडगांवच्या शिंदे मळ्या लागसारा वोल्त आशिल्लें. थंय चालकाचो बसीवेलो ताबो सुटलो आनी बस उमथली. अपघाताची म्हायती मेळटाच थळाव्यां सयत पुलिसांनी घडणुके सुवातेर वचून मजत सुरू केली. बसींतल्या प्रवाशांक भायर काडून हॉस्पिटलांत व्हेले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
