भांगरभूंय | प्रतिनिधी
दोळे फोडले; कूड कपड्यां विणें सांपडली कानालांत
अयोध्या, खबरां संस्था: उत्तर प्रदेशांतल्या अयोध्या जिल्ह्यांत तीन दिसां सावन बेपत्ता आशिल्ले २२ वर्सां पिरायेचे अनुसूचीत जातीचे तरणाटेची कूड शेनवारा कपड्यां विणें सांपडली. तिचे कुडीची अवस्था सामकी भिरांकूळ आशिल्ली. तरणाटेच्या दोळे फोडिल्ले आनी तिच्या शरिराचेर भरपूर जखमोय आशिल्ल्यो. कुटुंबीयांनी तिचो खून जाल्ल्याचो दुबाव उक्तायला.
सुत्रांचे म्हायती प्रमाण, शेनवारा सकाळीं तिची कूड सांपडली. कूड पळोवन तिची भयण आनी गांवच्यो दोन बायलो बेशुद्ध जाल्यो. ही मरण आयिल्ली तरणाटी बिरेस्तारा रातीं धर्मीक कार्यावळी खातीर वतां अशें सांगून घरांतल्यान भायर सरिल्ली. ती परतूंकूच ना. हाका लागून कुटुंबियांनी तिचो सोद घेतलो. शुक्रारा अयोध्या पुलीस स्टेशनांत बेपत्ता जावपाची कागाळ दाखल केली. कुटुंबीयांनी आरोप केला की पुलिसांनी तिचो सोदूच घेवंक ना. शेनवारा सकाळीं तरणाटेचे भावजयेक तिची कूड गांवां पसून अर्द्या किलोमिटराच्या अंतराचेर एका ल्हानश्या कानालांत सांपडली.
हे विशीं पुलीस आतां चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
