भांगरभूंय | प्रतिनिधी
पणजी : दिल्ली विधानसभा वेंचणुके खातीर मुख्यमंत्री डॉ. प्रमोद सावंत हे भाजपाचो नेटान प्रचार करतात. कोंकणी तशेंच मराठी भाशीक लोकां कडेन संवाद सादपा सयत तांणी भाजप उमेदवारांच्या रेलींतूय वांटो घेतलो.
दिल्लींत करोलबाग, राजेंद्रनगर वाठारांत मराठी तशेंच कोंकणी उलोवपी लोक आसात. ह्या वाठारात डॉ. सावंत हांणी भर दिला. आयतारा करोल बाग हांगा मराठा मित्र मंडळ आयोजीत मकर संक्राती कार्यावळीक तांणी हाजेरी लायली. ह्या वेळार आदले मंत्री डॉ. भागवत कराड तांचे सयत हाजीर आशिल्ले. मराठी भाशिकां कडेन तांणी संवाद सादलो.
आयतारा राती राजेंद्र नगर हांगच्या सरस्वती संस्कृती भवनात तांणी कोंकणी भाशिकां कडेन संवाद सादलो. हाचे पयलीं मोतीनगर मतदारसंघांत हरिश खुराणा हांचे प्रचारसभेक मुख्यमंत्र्यांनी संबोदीत केलें. दिल्लीची उदरगत तशेंच विकसीत दिल्ली खातीर भाजपाक मतदान कहो उलो डॉ. सावंत हांणी मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
