भांगरभूंय | प्रतिनिधी
वॉशिंगटन, खबरां संस्था: अमेरिकन संसद आनी कॉंग्रेसीन तांच्या कार्यालयांत चीनच्या आर्टिफिशियल इंटेलिजेंस (AI) चॅटबॉट डीपसीकच्या वापराचेर बंदी घातल्या. एक्सिओसच्या रिपोर्टा प्रमाण, यूएस कॉंग्रेसीन हे विशीं एक नोटीस जारी करून म्हणलां, सिस्टमांत धोको आशिल्ले सॉफ्टवेअर अपलोड करपा खातीर जायत्या चॅटबॉट्सचो वापर करतात. हे डीपसीक कडेन संबंदीत धोकेय स्पश्ट करता.
यूएस कॉंग्रेसीन म्हणलां, एआय तंत्रज्ञानाचे उदरगतीक लागून सुरक्षा आनी प्रशासकीय आव्हानांक तोंड दिवचें पडटा. कॉंग्रेसचे मुखेल प्रशासकीय अधिकारी म्हणटात, सध्या डीपसीकची चवकशी सुरू आसा. ह्या कारणाक लागून ते यूएस कॉंग्रेस कार्यालयांत वापरपाक शकनात.
खंयच्याय धोक्याक तोंड दिवपा खातीर सभाघरान जारी केल्ल्या सगळ्या उपकरणांनी डीपसीकच्या वापराचेर बंदी घाल्या. तशेंच, कर्मचार्यांक अधिकृत फोन, संगणक आनी टॅब्लेटचेर डीपसीक स्थापीत करपाक बंदी घातल्या.
चीनी एआय मॉडेल्स अमेरिकन कंपन्यांचे तुळेंत सवाय
डीपसीक हें पुरायेन फुकट आनी मुक्त स्रोत एआय मॉडेल. तशेंच चीनचे मॉडेल सामके उण्या खर्चांत तयार केल्यात, तर एनव्हीडिया, मायक्रोसॉफ्ट आनी मेटा ह्या अमेरिकन कंपनींनी एआय मॉडेल्स तयार करपा खातीर व्हड गुंतवणूक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
