भांगरभूंय | प्रतिनिधी
मुंबय, खबरां संस्था : शालेय आनी उच्च शिक्षणा खातीर अर्थसंकल्पांतल्यो तरतुदी सुरू केल्ल्या येवजण्यांचो फुडलो टप्पो अशाच स्वरूपाचो आसा मात, कृत्रिम प्रज्ञेच्या शिक्षणीक वापरा खातीर भरीव तरतूद केल्या. ‘सेंटर ऑफ एक्सलन्स इन एआय फॉर एज्युकेशन’ची घोशणा केल्ल्यान ते खातीर ५०० कोटी रुपयांची तरतूद केल्या. कृत्रिम प्रज्ञेचो वापर करून भलायकी, शेती आनी शाश्वत उदरगत हाचेवेले उदरगती खातीर ‘सेंटर ऑफ एक्सलन्स’ची तरतूद केल्ली. आतां शिक्षणा खातीर कृत्रिम प्रज्ञेचो वापर आनी ताचेवेल्या अभ्यासा खातीर तरतूद केल्या.
‘आयआयटी’ची तांक वाडयतले
‘आयआयटी’ खातीर फाटल्या वर्सा केल्ली १० हजार ४६७ कोटींची तरतूद वाडोवन २०२५-२६ खातीर ती ११ हजार ३४९ कोटी केल्या. देशांतल्या २०१४ वर्सा उपरांत स्थापन जाल्ल्या पांच ‘आयआयटीं’ची प्रवेश तांक वाडोवपाचें उद्दीश्ट निश्चीत केलां. ते प्रमाण ‘आयआयटी’तल्या वट्ट ६५०० सुवातो वाडटल्यो. फाटल्या १० वर्सांनी देशांतल्या २३ ‘आयआयटीं’ मदल्या विद्यार्थ्यांचो आंकडो ६५ हजारांवेल्यान १ लाख ३५ हजारां मेरेन वाडला. अशें सीतारामन हांणी आपल्या भाशणांत सांगलें. वैजकी अभ्यासक्रमाच्या १० हजार सुवातांची वाड जातली. येवपी अर्थीक आनी वैजकी अभ्यासक्रमांची प्रवेश तांक १० हजारांनी वाडयतले. ते प्रमाण येवप पांच वर्सांनी ७५ हजार सुवातो वाडटल्यो.
-शालेय शिक्षणांत फुडल्या पांच वर्सांनी ५० हजार ‘अटल टिंकरिंग लॅब’ स्थापन करपाचें ध्येय
-भारतनेट येवजणे खाला देशांतल्या सगळ्या मउळाव्या शाळांनी इंटरनेट जोडणी, सक्षम अंगणवाडी प्रकल्पाचें दुसरें पर्व, शालेय आनी उच्च शिक्षणांतलीं पुस्तकां भारतीय भाशांनी उपलब्ध करून दिवपा खातीर तरतूद.
-कुशळ उदरगती खातीर पांच ‘नॅशनल सेंटर ऑफ एक्सलन्स’ची घोशणा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
