भांगरभूंय | प्रतिनिधी
नवी दिल्ली, खबरां संस्था ः केंद्र सरकारान आयज तिसऱ्या कार्यकाळाचें दुसरें पुराय अर्थसंकल्प सादर केलें. ह्या अर्थसंकल्पांत सरकारान वेगवेगळ्यो घोशणा केल्यो. वट्ट 36 गरजेच्या वखदांक मुळाव्या कस्टम ड्युटींतल्यान पुरायपणान सुट दिल्या. देखून हीं वखदां आतां सवाय जातली.
कॅन्सराच्या वखदां वयल्यान कस्टम ड्यूटी काडून उडोवपाची घोशणा अर्थमंत्री निर्मला सीतारामन हांणी केल्या, जाका लागून कॅन्सर दुयेंतींक आतां थाकाय मेळटली. 36 वखदां वयल्यान कर सुटयेची घोशणा केल्या. कॅन्सर आनी हेर गंभीर दुयेंसांचेर उपचार करपा खातीर वापरपी वट्ट 36 गरजेच्या वखदांक मुळाव्या कस्टम ड्युटींतल्यान पुरायपणान सुट दिल्या. हाचे भायर हेर स गरजेच्या वखदांक कस्टम ड्यूटींतल्यान सुट दिवन तें 6 टक्क्यां मेरेन सकयल हाडटले. अर्थमंत्री निर्मला सीतारामन हांणी सगल्या जिल्लो हॉस्पिटलांनी कॅन्सर डे केअर सेंटर सुरू करतले अशी घोशणा केली.
वैजकी म्हाविद्यालयांनी सुवाती वाडटल्यो
अर्थमंत्री निर्मला सीतारमण हांणी आयज सादर केल्ल्या अर्थसंकल्पांत भलायकी क्षेत्रा खातीर म्हत्वाचीं घोशणां केल्यांत. तशेंच आतां वैजकी म्हाविद्यालयांनी 10 हजार अतिरिक्त सुवाती वाडयतले. तशेंच 5 वर्सांत 75 हजार सुवाती वाडोवपाचे यत्न करतले अशीय तांणी घोशणा केली. हाचे वांगडाच देशभरांतल्या सगळ्या जिल्लो हॉस्पिटलांनी डे केअर कॅन्सर सेंटर सुरू करतले. तशेंच 2025-26 वर्सा सुमार 200 डे केअर कॅन्सर केंद्रां सुरू जातलीं अशें निर्मला सीतारमण हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
