भांगरभूंय | प्रतिनिधी
फोंडें, प्रतिनिधी ः खांडेपारां उड्डाण पुलाचेर स्कुटरीचो ट्रकाक धपको बसून जाल्ल्या अपघातांत स्कुटर चलोवपी वृनीत विश्वजीत नायक (तिराळ – उसगांव) हो जखमी जालो. उपरांत ताका उपचारा खातीर उपजिल्हो हॉस्पिटलांत व्हेलो. फुडल्या उपचारा खातीर जीएमसींत धाडलो. फोंडें पुलिसांनी अपघाताचो पंचनामो केलो.
मेळिल्ले म्हायती प्रमाण, उसगांवच्यान खडी व्हरपी ट्रक फोंडें वटेन वतालो. हेच दिशेन वचपी स्कुटरीन फाटल्यान ट्रकाक धपको दिलो. हांतूत स्कुटर चलोवपी जखमी जालो. जखमीक खाजगी वाहनांतल्यान उपजिल्हो हॉस्पिटलांत व्हेलो. ताच्या आंगठ्याक गंभीर जखम जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
