भांगरभूंय | प्रतिनिधी
प्रथिनां आनी तंतू भरपूर आशिल्लें अन्न भूक वाडोवपा खातीर उत्कृश्ट आसता. चेन्नयच्या श्री रामचंद्र इन्स्टिट्यूट ऑफ हायर एज्युकेशन अँड रिसर्चांतले क्लिनीकल पोशणशास्त्रज्ञ आनी लेक्चरर सीव्ही ऐश्वर्या हांच्या मतान, पनीर आनी शोले सारकिले उच्च प्रथिन आशिल्ले पर्याय भूक नियंत्रीत करपाक आनी रगतांतली साकर स्थीर करपाक मजत करता, पूण सगळ्यांचें पचन सारकें ना. जायत्या जाणांक प्रथिनांनी भरपूर आशिल्लें अन्न पचपाक समस्या निर्माण जाता.
पचनसंस्थेच्या समस्यांनी मुखेलपणान पोट फुगप, गॅस आनी पोटांत दुखप हांचो आस्पाव जाता अशें बेंगळुरूच्या क्लिनिकल न्यूट्रिशन अँड डायटेटिक्सचे मुखेल एडविना राज हांणी सांगलें. ताचे भायर कांय जाणांक थकवा येवप, स्नायूंचे दुबळेपण, वजन उणें जावप अशोय समस्या निर्माण जाता.
प्रॅग्मॅटिक न्यूट्रिशनचे मुखेल पोशणशास्त्रज्ञ मीनू बालाजी हांणी कुडीक प्रथिनां पचपाक त्रास जाता अशा पांच लक्षणांची वळेरी दिल्या:
१. पोट फुगप वा गॅस: पोट फुगप हें सगळ्यांत सामान्य लक्षण. प्रथिनां पुराय पचना तेन्ना तीं आंतकड्यांनी एकठांय जावन उरता आनी गॅस आनी पोट फुगप, सूज येवप अशो समस्या निर्माण जातात.
२. जेवणा उपरांत थकवा येवप: अकार्यक्षम पचन आनी उर्जा वळोवप हाका लागून चड प्रथिन आशिल्लें अन्न खातकच थकवा येवपाक शकता.
३. वारंवार अपचन वा काळजात जळजळ: हायड्रोक्लोरिक ॲसिड वरवीं पोटांत प्रथिनांचें पचन सुरू जाता. देखून अपचन वा काळजाची जळजळ अशीं लक्षणांय दिसूं येतात.
४. दुबळे केंस, नाखटा वा कात: प्रथिनांचें पचन उणें जावप म्हणल्यार अॅमिनो अॅसिड उणे जाता, जाका लागून दुबळेपण, नाखटा, केंस पातळ जातात आनी कातीची भलायकी इबाडटा.
५. स्नायू दुखप: फावो त्या प्रमाणांत अॅमिनो अॅसिड मेळना तेन्ना स्नायूंचें लुकसाण जावंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
