भांगरभूंय | प्रतिनिधी
नवी दिल्ली, खबरां संस्था: दिल्लीच्या बुरारी वाठारांत सोमारा सांजेवेळार ६.३० वरांचेर चार मजली इमारत कोसळ्ळी. हे घडणुकेंत २ जाणांक मरण आयलें. पुलिसांनी दिल्ले म्हायती प्रमाण, १२ जाणांची सुटका केली. जखमींक हॉस्पिटलांत दाखल केल्यात.
राशी पोंदाक आनीक ८ ते १० जाण चिड्डल्ल्याचो अदमास पुलिसांनी उक्तायला. दिल्ली पुलीस, फायर ब्रिगेड, डीडीएमए आनी एनडीआरएफान रेस्न्यू ऑपरेशन हातांत घेतलां. ते लोकांक वाटावपाचें काम करतात.
पुलिसांनी दिल्ले म्हायती प्रमाण, बुरारी हांगच्या ऑस्कर पब्लिक स्कुला लागसारा नवी इमारत बांदतात. राशी पोंदांक चिड्डल्ले चडशे मजूर आसात.
ह्या ४ मजली इमारतीचें बांदकाम पुराय जाल्ल्याचें तांणी सांगलें. पीओपी फिनिशिंगचें काम सुरू आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
