भांगरभूंय | प्रतिनिधी
जाण्टेपण म्हणल्यार दुसरें भुरगेपण. भुरग्यां वांगडा खेळचें अशें जाण्ट्यांकय दिसता. सत्तरीचे खाशे, आदले मुख्यमंत्री प्रतापसिंह राणे हांचो आयज वाडदीस, तांकां दीर्घायुश्य आवंडेवया.
तांचीं नातरांय व्हड जाल्यांत. नातरां वांगडा वाडदीस मनयतना खाशांक आपल्या पुताक भलायकी मंत्री विश्वजीत राणे हांकां मुखेलमंत्री म्हणून पळोवपाची इत्सा आसतलीच. तांची सूनबाय आमदार देविया राणे मंत्री जावपाचे तांकीची. पांच वर्सांनी खाशेचें जनरेशन नेक्स्ट राजकारणात दिसतलें.
‘लग्न न्हय इफ्फी हो सिनेमाचो उत्सव, एन्जाॅय द मुव्हीज’, अशें पत्रकारांक २००६ वर्साच्या इफ्फीच्या वगतार सांगपी श्री. राणे, ‘गय करणार नाही’ अशी जाप गोंय विधानसभेच्या वांगड्यांक दिवपी श्री. राणे, ‘हेल्मेट घालात, रानवटीं जनावरांचो बंदोबस्त करुन शेतां, भाटां वाटायात’ अशें मागपी श्री. राणे, ‘कोमुनिदाद जमनींतल्यो बेकायदो खोपी, घरां काडात’, म्हणपी श्री. राणे. पणजे बालभवनाच्या उक्तावणा वेळार आदले प्रधानमंत्री नरसिंह राव हांचे बराबरीन माचयेर आशिल्ले श्री. राणे. गोंय राज्य, राजभास कायद्याचे शिल्पी श्री. राणे. आयजय राजकारणात नासले तरी समाजकारणाचेर नदर दवरुन आसतात. याद येत कांय तांकां ‘गोंय उडता पंजाब जातलें, सादूर रावात’ ह्या विधानसभेंतल्या उतरांची. विचारत काय आयज ते मंत्रीमंडळ बदल केन्ना जातलो तें?
पाच दसकां वयर गोंयचे लोकप्रतिनिधी आशिल्ले श्री. राणे पणजे आयनाॅक्स थिएटरांत घरकान्न विजयादेवी हांचे सयत इफ्फीवेळार सिनेमा पळोवंक येताले समेस्तांवरी. तांणीच तर गोंय विधानसभा संकुलाची बुन्याद घाल्ली, वीजमंत्री सुदिनबाब ढवळीकार हांकांय तांणी घडयल्ले. तांचें कार्य, कार्यशैली, जीणेशैली शिस्तीची. सत्तरी तालुक्याचे खाशेले कोंकणी शैलींत ते विधानसभेंत उलोवपी. लेट अस ऑल से हॅपी बर्थ डे टू हीम टुडे.
सुहासिनी प्रभुगांवकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
