भांगरभूंय | प्रतिनिधी
पुणे, खबरां संस्था : महाराष्ट्रांत गुइलेन बॅरे सिंड्रोमच्या (जीबीएस) दुयेतींचो आंकडो १०१ वयर पावला. तातूंतले १६ दुयेंती व्हेंटिलेटराचेर आसात. दुयेंती सांपडिल्ल्या वाठारांत भलायकी विभागान २५ हजार ५७८ घरांचें सर्वेक्षण केलां. सांपडिल्ल्या दुयेंतीं मदीं ६८ दादले आनी ३३ बायलांचो आसपाव आसा. ‘जीबीएस’च्या दुयेतींच्या आंकड्यांत बरीच वाड जाल्या. पुणे गांवगिर्या वाठारांत ६२ दुयेंती, पुणे महापालिकेचे हद्दींत १९, तर पिंपरी-चिंचवड महापालिकेचे हद्दींत १४ दुयेंती आनी हेर जिल्ह्यांनी ६ दुयेंती आसात. मजगतीं, सोलापूरच्या एका ४० वर्सां पिरायेच्या तरणाट्याक मरण आयलें जाल्यार पिंपरी हांगचे एके ६४ वर्सां पिरायेचे बायलेक ह्या दुयेंसाक लागून मरण आयलें.
जीबीएस ह्या दुयेंसाचो सगळ्यांत चड धोको पुण्याक आशिल्ल्याचें मुखार आयलां. हांगा ह्या दुयेंसाचे सगळ्यांत चड दुयेंती सांपडल्या. म्हत्वाचें म्हळ्यार पुण्याक एकाच दिसा २८ नव्या दुयेतींची नोंद जाली. २४ वरांनी पुण्याक अठ्ठावीस दुयेंती वाडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
