भांगरभूंय | प्रतिनिधी
मध्य प्रदेश, खबरां संस्था ः मध्य प्रदेशाचे मुख्यमंत्री मोहन यादव हांणी 17 शारांनी सोऱ्याच्या विक्रीचेर बंदी घालपाची घोशणा केल्या. देखून मध्य प्रदेश राज्यांतल्या 17 शारांनी देशी वा विदेशी असो खंयचोच प्रकारचो सोरो मेळचो ना.
ल्हवू ल्हवू पुराय राज्यांत सोऱ्याचे विक्रीचेर बंदी घालपा संबंदी मुख्यमंत्री यादव निर्णय घेवपाची शक्यताय आसा. राज्यांत सोऱ्याचे विक्रीचेर पूर्ण बंदी घालतले. आतां पयल्या टप्प्यांत आमी 17 धर्मीक वाठार आशिल्ल्या शारांतली सोऱ्याचीं दुकानां बंद करपाचो निर्णय घेतला अशें यादव हांणी स्पश्ट केलें. मजगतीं, ह्या 17 शारांतलीं हीं दुकानां बंद करपाचो निर्णय घेतले उपरांत ती परतून केन्नाच सुरु जानची 2028 मेरेन राज्यांतल्या दरेका गरीब मनशाक कायमस्वरुपी घरां दिवपाचो आमी यत्न करतले. आमचे सरकारान हे दिकेन वावुरपाचो संकल्प केला. आमच्या सरकारान बायलां, गरीब, तरणाटे, शेतकार सयत समाजांतल्या सगळ्या वर्गांचेर लक्ष केंद्रीत करपाची मोहीम सुरू केल्या. तशेंच आमी राज्यांत गरीबांच्या कल्याणा खातीर वेगवेगळी मोहीम चालीक लायतात अशें मुख्यमंत्री यादव हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
