भांगरभूंय | प्रतिनिधी
नवी दिल्ली, खबरां संस्था ः भारतांतल्या वेगवेगळ्या क्षेत्रांतल्या कंपन्यांनी फाटल्या कांय वर्सां सावन प्रतिभावान आनी कुशळ कर्मचाऱ्यांचो उणाव दिसून येता. कारण हांतूतल्या 80 टक्के कंपनींक कुशळ कर्मचारी सोदपाक आडमेळी येतात. दुसरे वटेन संवसारांतल्या 74 टक्के कंपनींक कुशळ कर्मचारी सोदपाक कश्ट करचें पडटात. मॅनपॉवर ग्रुपान केल्ल्या ग्लोबल टॅलेंट शॉर्टेज सर्वेक्षणांतल्यान ही म्हायती उजवाडाक आयल्या.
आयटी, उर्जा, भलायकी सेवा क्षेत्रांतल्या कंपनींक खाशेली कुशळटाय जाय पडटा पूण ह्या क्षेत्रांतल्या कंपनींक कुशळ कर्मचारी मेळनात. अकुशळ कर्मचाऱ्यांचो प्रस्न सोडोवपा खातीर जायत्यो कंपनी अंतर्गत प्रशिक्षणाचेर लक्ष केंद्रीत करतात. हातूंतली 39 टक्के कंपनी आपल्या सद्याच्या कर्मचाऱ्यांक कुशळटाय उदरगत प्रशिक्षण दितात.
2025 वर्सा 80 टक्के कंपनींक कुशळ कर्मचारी सोदपाक कश्ट करचे पडटात. कुशळ कामगारांची सदांच उणीव वाडत आशिल्ल्यान ताचेर उपाय सोदपा खातीर सामुहीक यत्न करपाची गरज आसा अशें मॅनपॉवर ग्रुप इंडिया आनी वेस्ट एशियाचे वेवस्थापकीय संचालक संदीप गुलाटी हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
