भांगरभूंय | प्रतिनिधी
फोंडें, प्रतिनिधी ः कुरियरांतल्यान पार्सल आयिल्ल्याचें कॉल करून धाडिल्ल्या लिंकाचेर क्लीक करपाक सांगून उसगांवचे एके बायलेच्या खात्यांतल्यान ७४,५०० रुपया काडिल्ल्याची घडणूक घडल्या. एनसीआरपीच्या ऑनलायन पोर्टला वरवीं मेळिल्ले कागाळीची दखल घेवन फोंडें पुलिसांनी अनवळख्या आड गुन्यांव नोंद केला.
मेळिल्ले म्हायती प्रमाण, उसगांवांतले कंपनींत काम करपी सजीथा पलीक्कल (रा. प्रभूनगर फोंडें) ह्या बायलेच्या मोबायल फोनाचेर ९१२३८४२२०२ आनी ८२५२११३६३७ ह्या नंबरावेल्यान फोन आयलो. फोन करप्यान आपूण कुरियर कंपनीचो कर्मचारी आनी तुमच्या नांवान एक कुरियर आयला अशें सांगलें. फुडें कुरियर मेळोवपा खातीर मोबायलाचेर धाडिल्ल्या लिंकाचेर क्लिक करून अॅप्लिकेशन डावनलोड करून पत्तो सयत १० रुपया स्टॅम्प ड्यूटी शुल्क म्हणून धाडपाक सांगलें. उपरांत तें बायलेन तशेंच केलें. उपरांत थोड्याच वेळात तिच्या बँक खात्यांतल्यान ७४,५०० रुपया काडल्यात असो मेसेज आयलो. मजगतीं, ही घडणूक १३ डिसेंबर २०२४ दिसा ६:२३ ते ८:५३ वरां मजगतीं घडली.
ह्या प्रकरणांत फोंडें पुलिसांनी आयपीसीच्या कलम ३१८ (३), आयटी कायदो, २००० च्या कलम ६६-डी खाला गुन्यांव नोंद केलां. फोंडें पुलीस स्टेशनाचे पुलीस निरिक्षक विजयनाथ कवळेकार हांच्या फुडारपणा खाला पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
