भांगरभूंय | प्रतिनिधी
दोडामार्ग : तिळारी धरणाचो कुडाशें- भोमवाडीचो कानाल फुटला. हे घडणुकेक लागून तिळारीच्यान गोंयांक जावपी उदकाची पुरवण बंद जाल्या. हो प्रकार आयज शुक्रारा सकाळीं मुखार आयलो.
मजगतीं, फाटल्या वर्सा हे सुवातेर कानालाची दुरुस्ती केल्ली. दुरुस्त केल्ले दुसरे वटेन हो कानाल फुटलो. हाका लागून उदकाची नाशाडी जाल्या. कानालाच्या उदकाक लागून हांगच्या रस्त्यांक न्हंयेचें स्वरूप आयलां. तशेंच ह्या वाठारांतल्या शेतांनी आनी बागायतींनी कानालांतलें उदक गेल्ल्यान लुकसाण जालां.
धरणाच्या आदल्या कानालाक लागून यंत्रणे मुखार पेंच निर्माण जालो. मजगतीं कानालांतल्यान जावपी उदकाची पुरवण आडावल्ल्यान कार्यकारी अभियंत्यां सयत कर्मचारी घडणुके सुवातेर दाखल जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
