भांगरभूंय | प्रतिनिधी
पणजी: दक्षीण गोंय जिल्लोधिकार्यान एका आदेशा वरवीं दक्षीण गोंय वाठारांतल्या सगळ्या हॉटेलांचे मालक/वेवस्थापन, लॉजिंग-बोर्डींग, खाजगी गॅस्ट हाऊसीस, पेईंग गेस्ट हाऊसीस, घर, इमारत, फ्लॅट धनी, तात्पुरती निवासाची वेवस्था करपी घरधनी आनी धमीर्र्क संस्थांनी आपल्या कडेन येवपी गिरायकांची वळख पटोवपा खातीर गिरायकांकडेन मतदार कार्ड, वाहन चलोवपाचो परवानो, स्मार्ट कार्ड, आधार कार्ड, पासपोर्ट ह्या सारख्या वळखपत्रांची मागणी करपाक सागलां. वळख पटयल्या बगर गिरायकांक आपल्या हॉटेलांत वा घरांत रावपाक दिवचें न्हय.
तशेंच धनयांनी आपली गिरायकां आनी भाडेकारांची म्हायती पुलीस खात्यान तयार केल्ल्या पथीक-PATHIK ह्या सॉफ्टवेरांत नोंद करपाक जाय. भाडेकारांची म्हायती लागींच्या पुलीस स्टेशनार दिवपाची गरज आसा. मालकांनी आपलीं गिरायकां आनी भाडेकारांची म्हायती सांबाळून दवरची आनी गरज आसता तेन्ना अशी म्हायती पुलीस यंत्रणेक उपलब्ध करची.
तशेंच दक्षीण गोंयांतल्या सगळ्या राष्ट्रीयकृत बँकाच्या मुखेल्यांनी आपल्या एटीएमांनी सुरक्षा रक्षक नेमपाक आनी सीसीटीव्ही कॅमेरे लावपाक सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
