भांगरभूंय | प्रतिनिधी
गडचिरोली, खबरां संस्था: छत्तीसगड-ओडिशा शिमेचेर मंगळारा सकाळीं जाल्ले फारपेटींत १४ नक्षलवाद्यांक मरण आयलें. मरण आयिल्ल्या नक्षलवाद्यां मदीं ओडिशा राज्याचो प्रभारी, केंद्रीय समिती वांगडी जयराम ऊर्फ चलपतीचो आसपाव आशिल्लो. ताचेर विवीध राज्यांनी एक कोटी परस चड इनामां आशिल्लीं. मिलिंद तेलतुंबडे उपरांत फारपेटींत मरण आयिल्लो जयराम हो दुसरो केंद्रीय समिती वांगडी आसा. हे फारपेटींत मरण आयिल्ल्यांचो आंकडो वाडपाची शक्यताय आसा.
छत्तीसगड पुलिसांनी दिल्ल म्हायती प्रमाण, मंगळारा सकाळीं छत्तीसगड-ओडिशा शिमेवेले गरियाबंद जिल्ह्यांतल्या मैनपूर कुल्हाडीघाट जंगल वांठारांत व्हडा संख्येन नक्षलवादी एकठांय आयिल्ल्याची म्हायती सुरक्षा यंत्रणेक मेळिल्ली. हाचेवेल्यान त्या वाठारांत एक हजारां परस चड सुरक्षा जवानांनी नक्षलविरोधी अभियान राबयलें.
मजगतीं, रानांत लिपून राविल्ल्या नक्षलवाद्यांनी पुलिसांचे दिकेन फारपेट केली. सुरक्षा जवानांनीय तांकां जाप दिली. हातूंत पुलिसांक १४ नक्षलवाद्यांक सोंपोवपाक येस आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
