भांगरभूंय | प्रतिनिधी
मुंबय, खबरां संस्था ः महाराष्ट्राचे मुख्यमंत्री देवेंद्र फडणवीस हांणी व्हड निर्णय घेतला. राज्यांतल्या सगल्या गड किल्ल्यां वयले अतिक्रमण 31 मे मेरेन काडून उडयतले. किल्ल्यांचेर अतिक्रमण करपा विशीं मुख्यमंत्री देवेंद्र फडणवीस हांणी आक्रमक भुमिका घेतल्या. अतिक्रमण पयस करपा खातीर सगल्या जिल्होधिकारींच्या अध्यक्षतेखाला एक समिती तयार केल्या.
सरकारान 31 जानेवारी मेरेन जिल्लोधिकाऱ्यां कडल्यान अतिक्रमणांची वळेरी मागयल्या. 1 फेब्रुवारी ते 31 मे मेरेन टप्प्याटप्प्यान अतिक्रमण काडून उडोवपाचे आदेश जारी केल्यात. ताका लागून आतां 31 मे मेरेन महाराष्ट्रांतले सगळे किल्ले अतिक्रमण मुक्त जातले अशीं घोशणा मुख्यमंत्री फडणवीस हांणी केली.
महाराष्ट्रांत 47 केंद्र संरक्षित किल्ले आनी 62 राज्य संरक्षित किल्ले आसात. किल्ल्यांची राखण करपा खातीर जिल्लोधिकाऱ्यांच्या अध्यक्षतेखाला 11 वांगड्यांची समिती तयार केल्या. विशालगडा सारक्या राज्यांतल्या जायत्या किल्ल्यांचेर अतिक्रमण जाता हें उजवाडाक आयले उपरांत फाटल्या कांय दिसां सावन ह्या प्रकरणांत सरकारान ठोस निर्णय घेवचो अशी मागणी सुरू आशिल्ली. ते फाटभुंयेर सरकारान हो निर्णय घेतला.
राज्यांतल्या किल्ल्यांची सोबीतकाय तिगोवन दवरपा खातीर काम करतले. 1 फेब्रुवारी ते 31 मे मेरेन सगल्या किल्ल्यांचेर वयले अतिक्रमण काडून उडोवपाचो आदेश सरकारान दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
