भांगरभूंय | प्रतिनिधी
कारवार : जिल्ह्यांतल्या यल्लापूर म्हालांतल्या अरेबैल घांटार आयज सकाळीं फळां-भाजीपाल्या वांगडा ४० वेपार्यांची येरादारी करपी ट्रक उमथल्ल्यान १० जाणांक जाग्यारूच मरण आयलें. १६ जाण गंभीर जखमी आशिल्ल्याची म्हायती मुखार आयल्या. मरण आयिल्ल्यांक आनी जखमींक यल्लापूर हांगच्या सरकारी भलायकी केंद्रांत सध्या व्हेल्यात.
हावेरी जिल्ह्यांतल्या सावनूर हांगच्यान ४० वेपारी भाजीपालो आनी फळां भरून घेवन ह्या ट्रकांतल्यान कुमटा हांगा येताले. तेन्ना राष्ट्रीय महामार्ग ६३ चेर अरेबैल घांटार गुल्लापूर लागसारा हो अपघात घडलो. चालकाचें ट्रकावेल्यान नियंत्रण सुटिल्ल्यान हो भिरांकूळ अपघात घडलो.ह्या वर्साचो जिल्ह्यांतलो हो सगळ्यांत व्हडलो अपघात. घडणुके सुवातेर पुलीस आनी थळाव्यांचे मजतीन मरण आयिल्ल्यांक आनी जखमीक भलायकी केंद्रांत दाखल केलें. हे घडणुकेंत मरण आयिल्ल्यांचो आंकडो वाडपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
