भांगरभूंय | प्रतिनिधी
मुरगांव : गोंयांत भारतीय जनता पक्षाचे प्रदेशाध्यक्ष म्हणून आदले आमदार दामू नायक हांची निवड जाली. बहुजन समाजांतल्या सादारण कुटूंबांतले व्यक्तीक प्रदेशाध्यक्ष पद दिवन राज्य भाजपान व्हड काम केलां. आदले आमदार तशेंच राज्य भाजप प्रदेशाध्यक्ष दामू नायक हांचे मुरगांवचे आदले आमदार तशेंच आदले वीजमंत्री मिलिंद नायक हांणी फुलांचो तुरो भेटोवन तांकां परबीं भेटयलीं. तशेंच तांकां फुडल्या कार्या खातीर परबीं भेटयलीं.
मुरगांवचे आदले आमदार मिलिंद नायक हांणीय दामू नायक हांच्या घरा वचून तांकां परबीं भेटयलीं. ह्या वेळार मिलिंद नायक हांचे वांगडा मुरगांव पालिकेचे उपनगराध्यक्ष रामचंद्र कामत, नगरसेवक दामू कासकार, दामू नायक, प्रजय मयेंकार, लिओ रॉड्रिगीस, दयानंद नायक, नगरसेविका कृणाली पार्सेकार हजर आशिल्लीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
