भांगरभूंय | प्रतिनिधी
कोलकाता, खबरां संस्था: कोलकाता बलात्कार आनी खून प्रकरणांत काल दोशी थारायिल्ल्या आरोपी संजय रॉयाक सियालदह विशेश न्यायालयान जल्मठेपेची ख्यास्त दिली. न्यायाधीश अनिर्बान दास हांणी हो निकाल दिलो.
दिसभर सुनावणी जाली तातूंत हें प्रकरण दुर्मिळांतलें दुर्मीळ आशिल्ल्याचें निरीक्षण कोर्टान नोंद केलें. ९ ऑगस्ट २०२४ दिसा कोलकाताच्या आर. जी. कर वैजकी महाविद्यालयांत एका दोतोराचेर बलात्कार जाल्लो. उपरांत तिचो खून केल्लो. हॉस्पिटलाच्या टावन हॉलांत तिची कूड सांपडली. तिचे कुडीचेर जायत्यो जखमो आशिल्ल्यो.
उपरांत महाविद्यालयांत काम करपी दोतोरांनी संप केलो. पुराय देशभराच्या लोकांनी ते दोतोराक न्याय मेळचो म्हणून संप केल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
