भांगरभूंय | प्रतिनिधी
विद्यापीठ अनुदान आयोगाचो म्हत्वाचो निर्णय
नवी दिल्ली, खबरां संस्था: बायल प्राध्यापकांचे सुटये विशीं विद्यापीठ अनुदान आयोग म्हणल्यार यूजीसीन म्हत्वाचो निर्णय घेतला. ते प्रमाण बायलां प्राध्यापकांक आतां २ वर्सां मेरेन आपल्या भुरग्याचो सांबाळ करपा खातीर रजा घेवपाक मेळटली. बायलां काम करपी उच्च शिक्षणीक संस्था रजा न्हयकारपाक शकनात. विद्यापीठ अनुदान आयोगाच्या (युजीसी) नव्या नेमांनी भुरग्यांचो सांबाळ करपाक रजा दिवपाचे तरतुदीचो आसपाव केला.
जर खंयचेय उच्च शिक्षण संस्थेन नेम पाळूंक ना जाल्यार संस्थेचेर सरळ बंदी येवं शकता. जायते फावटीं बायलां प्राध्यापक ही रजा दिनात अशी कागाळ करतात. हें लक्षांत घेवन यूजीसीन नव्या नेमांत हाचो आसपाव केला. जर कोणें नेम मोडल्यार आयोग संबंदीत उच्च शिक्षणीक संस्थेआड खर कारवाय करतली, अशें यूजीसी नेम २०२५ त स्पश्टपणान बरयलां. हातूंत खंयच्याय पदवी प्रवेशाचेर बंदी, दंड, संबंदीत अभ्यासक्रमांची मान्यताय रद्द करप, संबंदीत संस्थेचेर बंदी घालप अश्या जायत्या गजालींचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
