भांगरभूंय | प्रतिनिधी
नवी दिल्ली: ईपीएफओ (कर्मचारी फुडार निर्वाह निधी संघटना) हांणी आपल्या वांगड्यांक सेवा सोपी करपा खातीर पीएफ खातें हस्तांतरण प्रक्रियेंत सुदारणा केल्या. नोकरी बदलतकच आदल्या वा सद्याच्या नियोक्त्या वरवीं पीएफ हस्तांतरणा खातीर ऑनलायन दावो सादर करपाची गरज चडशा प्रकरणांनी काडून उडयल्या. नोकरी बदलल्ले उपरांत पीएफ हस्तांतरणा खातीर ऑनलायन दावो फाटल्या वा सध्याच्या नियोक्त्या वरवीं सादर करपाची गरज चडश्या प्रकरणांनी काडून उडयल्या. ह्या सुदारीत प्रक्रियेच्या अंमलबजावणीक लागून फुडाराक १.३० कोटी दाव्यां मदले सुमार १.२० कोटी (९४%) दावे सरळ इपीएफओ कडेन नियोक्त्यांच्या हस्तक्षेपा बगर धाडटले अशी अपेक्षा आसा.
सुधारीत प्रक्रिया कशी काम करता?
सध्याचे स्थितींत, कांय विशेश परिस्थितींत वांगड्यांनी एके नोकरेच्यान दुसरे नोकरेंत वतना हस्तांतरण दाव्यां खातीर नियोक्त्यांचे मंजुरेची गरज आसता. १ एप्रिल २०२४ सावन आतां मेरेन इपीएफओक ऑनलायन पद्धतीन सुमार १.३० कोटी हस्तांतरण दावे मेळ्ळ्यात. तांतुंतले ४५ लाख दावे स्वयंचलीत हस्तांतरण प्रकारांतले आसात, जे वट्ट दाव्यां मदले ३४.५% आसात.
सुधारीत प्रक्रियेचे फायदे –
ही सुलभ प्रक्रिया वांगड्यांनी दावो सादर केले उपरांत तांचे प्रक्रिये खातीर लागपी वेळ उणो करतले. तशेंच, हस्तांतरणा कडेन संबंदीत समस्यांक लागून जावपी कागाळी (सध्या वट्ट कागाळींच्या १७%) आनी नकारांचें प्रमाणूय उणें जातलें. व्हडल्या नियोक्त्यांक, जांकां अशा दाव्यांक मंजुरी दिवपाक भरपूर वेळ लागता तांचेंय काम हाका लागून सोपें जातलें.
सुधारित प्रक्रियेची अंमलबजावणी जाले उपरांत हस्तांतरण दावे सरळ इपीएफओ वरवीं प्रक्रिया करतले. हाका लागून वांगड्यां खातीर सेवा चड वेगान आनी कार्यक्षम जातली.
सरकाराची वचनबद्धताय
ह्या सुदारणांक लागून ईपीएफओ प्रक्रिया सुगम जातली आनी ईपीएफओच्या सेवांचेर वांगड्याचो विस्वास वाडटलो. प्रक्रिया सोंपी आनी कार्यक्षम करपाची सरकाराची वचनबद्धताय ही गवाय. तंत्रगिन्यानाचो फायदो घेवन आनी वांगड्यांक अनुकूल धोरणां चालीक लावून, ईपीएफओ वांगड्यांक अखंड, सुरक्षीत आनी पारदर्शक सेवा दिवपाचो हेतू दवरता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
