भांगरभूंय | प्रतिनिधी
दिवचल: मुख्यमंत्री डॉ. प्रमोद सावंत हांचो आत्मविस्वास फाटल्या कांय दिसां सावन वाडला. राज्याचे सेवे खातीर थकनासतना १८ वरां काम करपी मुख्यमंत्री आनी लोकांकूय सहज उपलब्ध जावपी फुडारी म्हणून ते फामाद आसात.
आयतारा सांखळे जनता दरबारांत पांचशें परस चड लोकांची विवीध गाराणीं मुख्यमंत्र्यानी आयकून घेतलीं. आयतारचें वेळापत्रक व्यस्त आसून लेगीत तांणी पांचशें लोकांची भेट घेवन भिवपाची गरज ना असो संदेश दिवन लोकांचे प्रस्न समजून घेतले.
भाजपचे नवे प्रदेशाध्यक्ष निवडून आयले. तेन्ना लोकांक बरीच उमेद आशिल्ली. नव्या नेटान काम करपाचो संकल्प करतना मुख्यमंत्र्यांनी २०२७ वेंचणुकेचेर दोळो दवरून काम सुरू करपा खातीर सज्ज रावपाचो उलोय मारलो.
२०२७त २७ आमदार निवडून येवचे खातीर आतां पसूनच ध्यास घेतिल्लो दिसता. तशेंच त्यान पयलीं ग्रामपंचायत, नगरपालिका आनी जिल्लो पंचायत वेंचणुकेक जैत मेळचे खातीर सज्ज रावपाचो निर्णय केला. येवपी मार्च म्हयन्यांत मुख्यमंत्री मुख्यमंत्र्या खातीरचीं सेगीत स वर्सां पुराय करतले.
तशेंच २०२७त परत एकदां डॉ. प्रमोद सावंत हांची मुख्यमंत्री पदा खाला वेंचणुकेक मुखार वचपाची तयारी आतांपसूनच सुरू जाल्ल्याचें चित्र पळोवपाक मेळटा.
हाका लागून मुख्यमंत्री बरेच खूश आनी समाधानी दिसतात. कांय लोकांनी बोवाळ करून जायत्यो वावड्यो पातळ्ळ्यो. हाका लागून कांय प्रमाणांत मुख्यमंत्री मंत्री चिंतेस्त दिसताले. मात आतां ते नेटान आशिल्ल्याचें दिसता आनी जायते महत्वाचे, धाडसी निर्णय घेवपाकूय तांणी सुरू केलां. येवपी काळांत जनतेक तें दिसूनय येतलें.
जनता दरबारात फाटलीं कांय वर्सां मुख्यमंत्री शेकड्यांनी लोकांच्यो समस्या समजून घेतात. तशेंच रोखडेच निर्णय घेवपाक मुख्यमंत्री शिटूक आसात, तशेंच लोकांचे विवीध प्रस्न याद दवरप आनी ताचे विशीं म्हायतीय दवरपांत ते फिशाल आशिल्ल्यान तांचें जनतादरबार लोकप्रीय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
