भांगरभूंय | प्रतिनिधी
वॉशिंग्टन, खबरां संस्था: आंतरराष्ट्रीय चलन निधीन (IMF) २०२५ आनी २०२६ ह्या वर्साच्या संवसारभरांतल्या देशांच्या वाडपी दरा विशीं आपलो अदमास उक्तायला. IMFच्या अदमासा प्रमाण २०२५ आनी २०२६ वर्सा संवसारीक वाड दर ३.३% आसतलो. व्हडल्या देशां मदीं भारताचो वाड दर ६.५% च्या वेगान जातलो.
२०२४ त ३.२% चे तुळेंत २०२५ त पाकिस्तानचो दर वाड ३% आनी २०२६ त ४% उरपाचो अदमास आसा. IMFचे पयले उपवेवस्थापकीय संचालक गीता गोपीनाथ हांणी सोशल मिडियाचेर वर्ल्ड इकॉनॉमिक आउटलुक वाढीचो अदमास पोस्ट केला. अपस्टॉक्सच्या म्हणण्या प्रमाण, IMF म्हणटा की भारतांतल्या उद्देगीक कारकिर्देंत अपेक्षे परस चड उणाव आयला. हाका लागून २०२३ मेरेनचो उदरगतीचो दरूय अपेक्षे परस उणो आशिल्लो. २०२३त भारताचो वाड दर ८.२% आशिल्लो, जो २०२४ त उणो जावन ६.५% जातलो. २०२५ आनी २०२६ तूय तो तसोच उरपाची अपेक्षा आसा.
संवसारभर म्हारगायेचो दर उणो जातलो
आयएमएफचे अर्थशास्त्रज्ञ पियरे-ऑलिव्हियर गौरींचास हांणी सांगलें, २०२५त संवसारीक चलन वाडीचो दर ४.२% आनी २०२६ त ३.५% आसतलो. जाल्यार २०२४ त तो ५.९% आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
