भांगरभूंय | प्रतिनिधी
पणजी ः श्री गोकर्ण पर्तगाळी जीवोत्तम मठाधिश श्री विद्याधीशतीर्थ श्रीपाद वडेर स्वामीजी हांचें पर्वरी शाखा मठांत रावपाची वेळ फाल्यां आयतारा सावन सुरू जाता. सांजवेळा 6:30 वरांचेर स्वामीजी वास्को सावन पर्वरी वटेन अटल सेतु कडेन पावतले. थंयच्यान मॅजेस्टीक सर्कल ते पर्वरी जीवोतम शाखा मठ मेरेन मिरवणुकेन तांकां येवकार दितले.
स्वामींचो पर्वरी मठांत रावपाचो काळ 26 जानेवारी मेरेन आसतलो. पर्वरी मठांत रावपाची स्वामींची ही पयलींच वेळ आसा. ह्या काळांत गीत रामायण, संतवाणी, रक्षात्रय हवन, विष्णु हवन, लक्ष तुळसी अर्चना, दुर्गा नमस्कार, श्री सूक्त हवन, लक्ष कुंकुमार्चन, मुद्रा धारण आनी सत्यनारायण व्रत अशें धर्मीक विधी जातलें.
24 जानेवारीक सांजवेळा 6 वरांचेर सभा कार्यावळ आयोजीत केल्या. 26 जानेवारीक सांजवेळा 5 वरांचेर स्वामीजी फुडल्या सुवातेर रावपाक वच्चें पयलीं आशिर्वचन जातलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
