भांगरभूंय | प्रतिनिधी
नवी दिल्ली, खबरां संस्थाः भारतांतल्या दर एका राज्याच्या भाशांनी आनी खाणां-जेणांनी विविधताय दिसून येता. दर एका राज्यांच्या खाशेल्या पदार्थाची एक खाशेली वळख आसा. आतां ‘टेस्टअटलास’न संवसारांतल्या वायट पदार्थांची वळेरी उजवाडायल्या. संवसारांतल्या सगळ्यांत वायट पदार्थांच्या वळेरेंत भारतांतल्या मिस्सी रोटीचो (Missi Roti) आस्पाव आसा.
मिस्सी रोटी ही भारतांतल्या जायत्या वाठारांनी जायत्या जाणांची आवड आसा. तशेंच मिस्सी रोटी ही खूब पुश्टीक आसता ताका लागून ती सुपरफूड मानतात. पूण ‘टेस्टअटलास’न उजवाडायल्ल्या ‘वर्ल्ड्स वर्स्ट डिशेस’च्या वळेरेंत मिस्सी रोटीचो आस्पाव जाला.
मजगतीं, संवसारांतल्या सगळ्यांत वायट पदार्थांच्या वळेरी जाहीर जाल्या, तातूंत 100 वायट पदार्थांचो (World Worst Food) आस्पाव आसा. हातूंत मिस्सी रोटीक 56वी सुवात मेळ्ळां. हें वळेरेंत भारतांतलो एकमेव पदार्थ मिस्सी रोटीचो हांतूत आस्पाव जाला. पंजाबांतली पारंपारीक मिस्सी रोटी बेसन, मसालो, भाजीपालो हांचेपसून तयार करतात. टेस्ट अॅटलसाचे हे वळेरेंत मिस्सी रोटी सयत जेली इल्स, फ्रॉग आय सॅलड अशें वेगवेगळे पदार्थ आसपावीत केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
