भांगरभूंय | प्रतिनिधी
म्हापशें: आल्तो, म्हापश्यां एचडीएफसी बँकेचें एटीएम मशीन फोडपाचो यत्न केल्ल्या प्रकरणांत म्हापशें पुलिसांनी दुबावीत राजू मरियानूस तिरकी (26, रा. छत्तीसगड) हाका म्हापशें पुलिसांनी अटक केली.
ही घडणूक बुधवारा 15 वेर फांतोडेर 2.27 वरांच्या सुमाराक घडिल्ली. दुबावीत आरोपी हो ह्या एचडीएफसी बँकेच्या एटीएम कावंटरांत घुसलो. ताणें लोखंडाचे सळयेचे मजतीन सदर एटीएम मशीन फोडपाचो यत्न केलो. पूण ताका तें फोडप शक्य जालें ना.
हो चोरयेचो प्रकार सीसीटीव्ही कॅमेरांत बंद जाल्लो. सकाळीं बँक उगडले उपरांत हो प्रकार नदरेक आयलो. उपरांत पुलिसांक आपयलें. तशेंच बँक वेवस्थापक स्वाती नायक हांणी पुलिशेंत कागाळ नोंद केली ते प्रमाण पुलिसांनी गुन्यांव नोंद केलाे.
पुलिसांनी सीसीटीव्ही फुटेजीच्या आदाराचेर बिरेस्तारा 16 वेर सांजवेळा दुबाविताक गिरी वाठारांत अटक केली.
म्हापशें न्यायालयान दुबाविताक 14 दिसांची न्यायालयीन कोठयेचो आदेश दिला. ते प्रमाण ताका कोलवाळ बंदखणींत धाडून दिला. फुडलो तपास पुलीस उपनिरिक्षक अभिजीत नायक करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
