भांगरभूंय | प्रतिनिधी
शांघाय, खबरां संस्था ः सोशल मिडियाचेर ल्हान ल्हान व्हिडियो वा रील पळोवप हो आमच्यांतल्या जायत्या जाणांच्या दिसपट्ट्या जिणेचो एक भाग जाला. खास करून तरणाटे आनी मध्यम पिरायेचे लोक दर रातीं न्हिदेच्या आदीं कांय वेळ ह्यो रील पळयतात. पूण हालींच्या जाल्ल्या एका संशोधनांत न्हिदेच्या आदीं व्हिडियो पळयतना स्क्रीन टायम आनी भलायके मदीं थेट संबंद आशिल्ल्याचें दिसून आयलां. न्हिदेचे आदीं रिल्स पळोवपी तरणाट्यांक मेंदवाचेर चड ताण वा भलायेक त्रास जावपाची शक्यताय चड आसता अशें संशोधनांतल्यान दिसून आयलां.
कितल्या लोकांचेर हें संशोधन जालें?
बीएमसी जर्नलांत उजवाडाक आयिल्ल्या ह्या संशोधन अहवालांत वट्ट 4,318 तरणाटे आनी मध्यम पिरायेच्या लोकांचें सर्वेक्षण केलें. चीनांत केल्ल्या एका अभ्यासांत न्हिदेच्या आदीं रिल्स पळोवपाक चड वेळ घालोवपी लोकांक उच्च रक्तदाब आनी मोंदवाचेर ताण येवपाची शक्यताय चड आसा अशें दिसून आयलां.
चीनांतल्या हेबेई वैजकी विद्यापिठांतले संशोधक फेंगदे ली, फँगफांग मा, लिऊ, ले वांग, लिशुआंग जी, मिंगक्वी झेंग आनी गँग लिऊ ह्या संशोधकांनी ह्या संशोधनाचेर काम केलें. ह्या संशोधनाचो अहवाल आयले उपरांत संशोधकांनी सांगलें, लोकांनी न्हिदे पयलीं ल्हान ल्हान व्हिडियो पळोवप वा रिल्स पळयत रावप म्हळ्यार स्क्रीनीच्या वेळाचेर खर नियंत्रण दवरपाची गरज आसा असो उलो मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
