भांगरभूंय | प्रतिनिधी
ब्रिस्बेन, खबरां संस्था ः संवसारभरांत सोरपाच्यो जायत्यो जाती आसात. कांय सोरोप विखारी जाल्यार कांय बिनविखारी. हांतूतलो एक असो सोरोप आसा जाका धर्तरेचेर खूब विखारी सोरोप मानतात. ताचें विख इतले भयंकर आसता की एक घांस मारून तो जितलें वीख सोडटा तातूंत 100 जाणांक मरण येवं शकता.
ह्या सोरपाचें नांव इनलँड टायपन (Oxyuranus microlepidotus) अशें आसा. ताचें विख ११० मिलिग्राम मेरेन आसूं येता. ११० मिग्राॅम विखांत २,५०,००० उंदीर मारपाची तांक आसता. तातूंत हायलुरोनिडेस नांवाचें एन्झायम आसता जे पुराय कुडीत विख नेटान पातळयता.
हो सोरोप क्वीन्सलँड आनी दक्षीण ऑस्ट्रेलियेच्या मैदानी वठारांनी सांपडटा. तो जमनींतल्या फटींनी लिपून रावता. इनलँड तायपन हो दुर्मीळ सोरोप. दुस्मान वा धोको जाणवता तेन्ना तो आपली कूड एस आकारांत घुंवडावन हल्लो करता.
भारतीय क्रेट, जाका कॉमन क्रेट, काणेर अशेंय म्हण्टात. काणेर खूब विखारी आसता. संवसारात क्रेट सोरपांच्यो वट्ट १२ जाती आनी ५ उपजाती आसात. हो सोरोप चाबल्या उपरांत फकत 45 मिनटां भितर मनशाक मरण येवं शकता. रसेल वायपर हो भारतांतलो एक चड सामान्य आनी सगळेकडेन पातळिल्लो विखारी सोरोप. सॉ-स्केल्ड वायपर हो संवसारांतलो एक विखारी सोरोप. ताका “लिटल इंडियन वायपर” अशेंय म्हण्टात. भारतीय कोब्रा हो संवसारांतलो एक नामनेचो सोरोप. भारतीय कोब्राचे वीख न्यूरोटॉक्सिन, म्हणल्यार तें सरळ मज्जासंस्थेचेर हल्लो करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
