भांगरभूंय | प्रतिनिधी
मडगांव : कोलवा पुलिसांनी वानेशी वाठारांत छापो घालून घुंवळे वखदां सयत एका दुबाविताक अटक केली. दुबावीत विनायक चव्हाण (२४, रा. मंडोप, नावेली) हाचे कडल्यान ३ लाख रुपयांचो ३.०८२ किलो गांजो जप्त केला.
कोलवा पुलिसांक दुबाविता कडल्यान घुंवळे वखदांची विक्री जातली अशी म्हायती मेळिल्ली. ते प्रमाण तांणी सांपळो रचिल्लो. मंडोप नावेले दुबावीत तरेन भोंवपी विनायक चव्हाण हाका पुलिसांनी ताब्यांत घेतलो. ताचे कडेन चवकशी केली तेन्ना दुबावीत जापो दितना घुस्पलो. उपरांत पुलिसांनी ताका तपासलो तेन्ना ताचे कडेन गांजो मेळ्ळो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
