कॅलिफॉर्नियाच्या उज्यांत २४ जाणांक मरण: ७ दीस जाले, उज्याचेर नियंत्रण ना
भांगरभूंय | प्रतिनिधी
लॉस एंजेलीस, खबरां संस्था: अमेरिकेच्या कॅलिफॉर्निया राज्यांत लागिल्ल्या उज्यांत २४ जाणांक मरण आयलें. ऑस्ट्रेलियन टीव्ही अभिनेता रॉरी सायक्स हाकाय हातूंत मरण आयलां. फाटल्या ७ दिसां सावन सुरू आशिल्लो उजो आजूनय नियंत्रणांत येवंक ना. ईटन आनी पॅलिसेड्सांत १६ लोक बेपत्ता जाल्ल्याची नोंद आसा.
आयतारा लॉस एंजेलिसांत वार्याचो वेग मात्सो उणो जालो. हाका लागून उजो पालोवपी दळाच्या जवानांक उजो नियंत्रणांत हाडपाक मजत जाली. मात रातीं उसरां मेरेन नेटान वारें परतवपाची शिटकावणी सध्या दिल्या. ताका लागून लॉस एंजेलिसच्या दोन रानांनी लागिल्लो उजो बेगोबेग पालोवपाचे यत्न सध्या चल्ल्यात. उज्याची व्याप्ती ४० हजार एकर मेरेन पावल्या. काउंटींतल्या सगळ्या लोकांक पयलींच शिटकावणी दिल्या. तांकां केन्नाय तांचीं घरां रिकामीं करपाक सांगपाक शकतात. ह्या वाठारांत गिरेस्त, अभिनेते, खेळगडे हांचीं घरांत आसा. तीं लासून गोबर जाल्यांत.
१२ लाख कोटी रुपयांचें लुकसाण
रॉयटर्सच्या मतान, लॉस एंजेलिसांतल्या उज्याक लागून सुमार ११.६० लाख कोटी ते १३ लाख कोटी रुपयांचे (१३५-१५० अब्ज) लुकसाण जावपाची शक्यताय आसा. उज्याचेर कांय प्रमाणांत नियंत्रण मेळयलां. लोकांक मास्क वापरपाचो उलो मारला. अमेरिकेक उज्याचेर नियंत्रण मेळोवपा खातीर मदत करपाक मेक्सिकोच्यान उजो पालोवपी दळ दाखल जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
