भांगरभूंय | प्रतिनिधी
दिमा हस, खबरां संस्था: आसामांतल्या दिमा हासाओ जिल्ह्यांतले ३०० फूट खोल कोळसो खाणींतल्या कामगारांच्या रेस्न्यू ऑपरेशनाचो आयज ७ वो दीस. आतां मेरेन ४ मजुरांच्यो कुडी भायर काडल्यात. खणींत हुंदरांच्या खड्ड्यांत आजूनय ५ कामगार आडकल्यात.
८ जानेवारीक नेपाळच्या गंगा बहादूर श्रेष्ठ आनी उमरंगसो हांगचो लिजेन मगर, कोकराझार हांचो खुशी मोहन राय आनी ११ जानेवारीक सोनितपूर हांगचो सरत गोयारी ह्या मजुरांच्यो कुडी सांपडिल्ल्यो.
भारतीय लश्कर आनी एनडीआरएफ हांच्या जोड पालवान रेस्न्यू ऑपरेशन सुरू आसा. मजगतीं, आसामचे विशेश डीजीपी हरमीत सिंह हांणी, घडणुके दिसा खणींतली उदकाची पातळी ३० मिटर आशिल्ली, आतां ती १५ मिटरां परस उणी जाल्या.
उमरंगसो कोळसो खणींत आजूनय आडकून उरिल्ल्या ५ कामगारांचीं नांवां हुसेन अली, झाकीर हुसेन, सरपा बर्मन, मुस्तफा शेख आनी संजीत सरकार अशीं आसात.
मजगतीं, खण घडणुके प्रकरणांत आसाम पुलिसांनी हनन लस्कर आनी पुनुष नुनिसा हांकां अटक केल्ली. तेन्नाच कॉंग्रेसच्या दिमा हासाओ युनिटचे कोम केम्पराई आनी पितुश लंगथासा हांणी नॉर्थ कचार हिल्स ऑटोनॉमस कौन्सिलचे मुखेल कार्यकारी वांगडी (सीईएम) देबोलाल गोर्लोसा आनी तांची बायल कनिका होजाई हांचे आड एफआयआर दाखल केली. हातूंत गोर्लोसा आनी होजाई हांकां बेगोबेग अटक करपाची मागणी केल्या. हे नोगूय खणींत अवैध खणटा असो दावो करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
