फकत ४५ पयशांनी १० लाख रुपयांचो जीवन विमो

भांगरभूंय | प्रतिनिधी

नवी दिल्ली, खबरां संस्था ः वाडत वचपी म्हारगाय आनी तातूंत दुयेंसाचेर जावपी खर्चाक लागून संवसारांत सगळ्यांक जीवन विम्याचें म्हत्व कळून आयलां. आयज दरेक कंपनी आपल्या कर्मचार्‍यां खातीर आनी तांच्या कुटुंबां खातीर जिवन विमो घेता. ते भायर जायते जाण ऑफिस विम्या वांगडाच वैयक्तीक विमोय घेतात. पयशे सोंपचे न्हय म्हणून. भारतात आदीं भारतीय आयुर्विमा निगम म्हणल्यार LIC जीवन विमो मेळटालो. आयजूय तो फामाद आसा. मात हालीं देशांत जायत्या खाजगी मळांचेर कंपन्यो तुमकां विंगड विंगड कंपन्यो तुमकां वेगवेगळीं ऑफस दिवन जीवन विमो संरक्षणाचें म्हत्व समजावन सांगतात. मात तुमकां भारतांतल्या सगळ्यांत सवाय विम्या विशीं खबर आसा? जो विमो फकत ४५ रुपयांनी १० लाखांचें संरक्षण तुमकां दिता.

भारतांतलो सगळ्यांत सवाय विमो खंयचो?
आमी ज्या विम्या विशीं उलयतात, तो इंडियन रेल्वे केटरिंग अँड टूरिझम कॉर्पोरेशन (IRCTC) दिता. हय, जेन्ना आमी रेल्वेची तिकीट बूक करताात तेन्ना आमकां ४५ पयशांनी १० लाखांचें कव्हर दितात. रेल्वे प्रवाशांक तिकीट आनी जेवण दिवपी कंपनीन प्रवाशां खातीर एक विशेश आनी परवडबी विमा येवजण सुरू केल्या.

ह्या प्रवाशांक मेळटलो लाव
IRCTC प्रमाण, १० लाख रुपयांच्या ४५ पयशांच्या विमा संरक्षणाचो लाव फकत IRCTC हाचे वरवीं ऑनलायन तिकीट बूक करपी प्रवाशांकूच मेळटा. येवजणे खाला, विमा संरक्षण केवळ कन्फर्म, आरएसी, अंशतः पुश्टी जाल्ल्या तिकिटांचेर मेळत आसता. ५ वर्सां सकयल भुरग्यां खातीर ही सुविधा उपलब्ध नाशिल्ल्यान ५ वर्सां ते ११ वर्सां पिरायेच्या भुरग्यांक हो लाव दिवपाक मेळटलो. तर ही सुविधा शताब्दी, राजधानी वा सुपरफास्ट ट्रेनी सयत सगळे तरेच्या रेल्वे प्रवासा खातीर उपलब्ध आसा.

आयआरसीटीसी विमा येवजणे खाला कव्हरेज आनी फायदे
-IRCTC विमा येवजणे खाला, रेल्वे अपघातांत मरण आयल्यार प्रवाशांच्या कुटुंबाक १० लाख रुपयां मेरेनची भरपाय दितले.
रेल्वे अपघातांत कायमचे अपंगत्व आयल्यार ७.५ लाख रुपयांची भरपाय दिता.

-आंशिक अपंगत्व आसल्यार, २ लाख रुपयां मेरेनची भरपाय दिता.

-रेल्वे अपघातां उपरांत हॉस्पिटलांत दाखल करपा खातीर २ लाख रुपयां मेरेनचो वैजकी खर्च दितात.

-आकस्मीक मरण वा दिव्यांगत्व आयल्यार कुटुंबाक अर्थीक मदत दितात.

IRCTC विमो येवजणे खातीर अर्ज कसो करप?
आयआरसीटीसीच्या ४५ पयशांच्या विमा येवजणेचो लाव घेवप खूब सोपें आशिल्ल्यान हे खातीर प्रवाशान आयआरसीटीसी वेबसायट वा अॅपाचेर तिकीट बुक करतना कांय गजाली लक्षांत दवरच्यो. हो पर्याय निवडून प्रवाशाक फकत ४५ पयशे अतिरिक्त रक्कम भरची पडटा, तिकीट बूक जातांच विमो पॉलिसी सक्रिय जाता.