भांगरभूंय | प्रतिनिधी
वॉशिंगटन, खबरां संस्था: कांय जाण लॉटरेची तिकेट काडून आपलें नशीब बदलत काय ही आस्त धरून रावतात. मात फकत एकाच गिरायकाक इनाम मेळटा आनी लाखांनी लोक आपलो वेळ आनी पयसो वगडायतात. पूण अमेरिकेंतल्या प्रिन्स जॉर्ज काऊंटीचे एके बायलेक पिक फाईव्ह ड्रॉच्या लॉटरी ड्रॉंय ५० हजार डॉलर (सुमार ४२.९६ लाख रुपया) इनाम मेळ्ळें. अजापाची गजाल म्हळ्यार तिणें हो लॉटरी जॅकपॉट नंबर सपनांत पळयल्लो. देखून तिच्या सपनान तिका ह्या नंबराची तिकेट घेवपाक प्रवृत्त केली आनी तिणें होच अचूक जॅकपॉट जिखलो अशें उक्तें जाल्ल्यान तिच्या सपनाचेर सगळे कडेन चर्चा जावपाक लागल्या.
ते बायलेन मेरीलँड लॉटरी अधिकार्यांक सांगलें, डिसेंबरांत म्हाका एक सपन पडिल्लें. जातूंत आकड्यांचो एक विशिश्ट नंबर आशिल्लो. हाका लागून हो आंकडो तिका लक्षांत उरलो. तांणी ऑक्सन हिल झिप इन मार्टांतल्यान ९-९-०-०-० ह्या क्रमांकांचो वापर करून पिक फाईव्हची तिकेट विकत घेतली.
ते घडणुकेची याद करून दितना ते बायलेन सांगलें, हांवे ही संद वगडायिल्ली. आमी उसरां पाविल्लीं आनी हांव जॅकपॉट खेळपाक विसरिल्लें. मात म्हाका सामकी याद उरिल्ली म्हज्या सपनांतले नंबर खेळपाची. २० डिसेंबराक सांजेवेळार जाहीर जाल्ले सोर्तींत जेन्ना ह्या नंबरांनी म्हाका पन्नास हजार डॉलरांचें इनाम मेळोवन दिलें तेन्ना म्हजो निर्णय योग्य आशिल्लो हाची म्हाका खात्री जाली, अशें तिणें म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
