भांगरभूंय | प्रतिनिधी
टोंकार सांपडलो गांज्याचो रोपो; 10 दिसांतली तिसरी घडणूक
भांगरभूंय | प्रतिनिधी
पणजीः कांय दिसां आदीं मधुबन रस्त्या कुशीचे इमारतीं लागसार आनी काकुलो मॉला लागसार गांज्याचें रोपे मेळिल्ल्यान पणजी शारांत ते पावलें कशे हाचे वयल्यान जायतें प्रस्न निर्माण जाल्लें. ते उपरांत शेनवारा टोंकार टेम्पटेशन बार, रॅस्टोरंटा मुखार गांज्याचो आनीक एक रोपो सांपडलो. तो रोपो थंय पावलो कसो? पणजे स्मार्ट सिटींत गांज्याचो रोपो मेळपाची 10 दिसांतली ही तिसरी घडणूक. हाका लागून पणजी ‘गांजो थळ’ जावपाचे वाटेर ना मूं? असो प्रस्न निर्माण जाता.
मजगतीं, 6 जानेवारीक सकाळीं पणजेच्या शितल हॉटेल ते मधुबन जंक्शन रस्त्या कुशीचे झरिना टॉवर इमारती मुखार गांज्याचो रोपो मेळिल्लो. ताचे आदीं 4 जानेवारीक काकुलो मॉला लागसार फुटपाथाचे कुशीक लायिल्ल्या झाडांनी गांज्याचो एक रोपो मेळिल्लो. तो रोपो लोकांचे नदरेक पडटकच हाचे वयल्यान बोवाळ जालो. उपरांत घुंवळे वखदो विरोधी पंगडाचे (एएनसी) अधिकारी थंय पावले आनी तो रोपो मुळा सयत हुमटून तपासणे खातीर धाडलो. ह्या प्रकरणांचो अजून कसलोच अहवाल आयिल्लो ना. ताका लागून हे रोपे कशें आयले, कोणी लायले हें एक गुपीत जावन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
