भांगरभूंय | प्रतिनिधी
नवी दिल्ली, खबरां संस्था ः भारतीय रेल्वेन संवसारांतली सगळ्यांत बळिश्ट हायड्रोजन रेल्वे तयार केल्या. रेल्वे मंत्री अश्विनी वैष्णव हांणी हे विशीं म्हायती दिली. भारतीय रेल्वेच्या हायड्रोजन इंधनाचेर चलपी ट्रेन इंजिन हें संवसारांतलें सगळ्यांत हॉर्स पॉवराचे इंजिन आसा.
संवसारांतल्या फकत चार देशांनी अशें रेल्वे इंजिन आसा. तें 500 ते 600 हॉर्स पॉवर आशिल्लें इंजिन तयार करतात. भारतीय रेल्वे कंपनीन देशी तंत्रगिन्यानाचो उपेग करून हें इंजिन तयार केलां. ह्या इंजिनाची क्षमताय 1200 हॉर्स पॉवर इतली आसा.
रेल्वे मंत्री वैष्णव हांणी सांगलें, इंजिनाचें काम पुराय जालां. सिस्टिम इंटीग्रेशनाचे काम सुरु आसा. हें इंजिन पुरायपणान देशी पद्दतीन तयार केल्लें आसा. संवसारीक बाजारांत भारतीय तंत्रगिन्यान सिद्ध जालां अशें तांणी सांगलें. हायड्रोजन रेल्वे इंजिन पर्यावरणाक अनुकूल आसतले. हे रेल्वेंतल्यान कार्बन उत्सर्जन शून्य आसतलें. भारतांत निवळ उर्जा आनी नवीकरणीय उर्जेचेर आदारिल्ले येरादारी खातीर हें उपेगी थारतलें असो विस्वास तांणी उक्तायला.
ह्या इंजिनाची पयली चांचणी हरियाणाच्या जिंद ते सोनीपत मार्गाचेर जातली. ह्या 89 किलोमीटर मार्गाचेर हायड्रोजन रेल्वेची चांचणी जातली. रेल्वे मंत्रालयान 2023-24 अर्थीक वर्सा 35 हायड्रोजन फ्यूल सेल ट्रेन तयार करपा खातीर 2,800 कोटी रुपया दिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
