भांगरभूंय | प्रतिनिधी
सांगली, खबरां संस्था: कवठेमहाकाळचे एके दोन वर्सां पिरायेचे चलयेक फकत साडेचार लाखांक गोंयांत विकिल्ल्याची घडणूक सांगली घडली. हे विशीं स जाणांचेर गुन्यांव नोंद केला. कवठेमहाकाळ म्हालांतले तेलवस्तींत रावपी राजेंद्र मेस्त्री आनी शिल्पा मेस्त्री, स्मिता ज्ञानेश वाडीकार (गोंय), वंदना सुर्वे (बेळगांव), रवी राऊत आनी राणी राऊत अशी आरोपींचीं नांवां आसात.
मजगतीं, पुलिसांनी पश्चीम महाराष्ट्रांतल्या भुरगीं विक्री करपी रॅकेटाकूय धरलां. ते ल्हान चलयेक बालसुधार घरांत दवरपाक मेळचें म्हूण न्यायालयांतूय वतले अशेंय पुलिसांनी सांगलें.
पुलिसांनी दिल्ले म्हायती प्रमाण, आरोपींनी चलयेच्या बापायक फकत साडेचार लाख रुपया दिले. उपरांत तिका साडेचार लाख रुपयांक गोंयांत विकली. उपरांत बेळगांवां एका हेल्पलायन नंबराचेर हे विशीं कागाळ केली. पुलिसांनी तपास करून संबंदीत आरोपींक अटक करून चलयेक ताब्यांत घेतली. अरोपीनींय केल्ल्या गुन्यांवाची कबुली दिली.
हे विशीं बेेळगांवच्या साहाय्यवाणी केंद्रान दखल घेतल्या. हे चलयेक विकत घेतिल्ली गोंयची स्मिता वाडीकार हिका १७ जानेवारीक समिती मुखार हजर रावपाचे आदेश दिल्यात.
व्हड रॅकेट आशिल्ल्याचो दुबाव
धरिल्ल्या सगळ्या आरोपींची सध्या चवकशी सुरू आसा. हातुंतल्यान कांय म्हत्वाची म्हायती मुखार येवपाची शक्यताय आसा. ह्यान पयलीं आरोपींनी अशेच तरेन बाळक वा भुरग्यांची विक्री केल्या काय? हाचीय पुलीस खोलायेन चवकशी करतात. हाचे वरवीं व्हड रॅकेट सांपडपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
