भांगरभूंय | प्रतिनिधी
फोंडें, प्रतिनिधी: कुर्टेच्या फ्लॅटांतले चोरयेच्या प्रकरणांत दुबावीत अनिस अब्दुल शेख (३६, मुर्डेश्वर – कर्नाटक, मूळ उत्तर प्रदेश) हाका उत्तरप्रदेशांतल्यान अटक करपाक फोंडें पुलिसांक येस आयलें. ह्यान पयलीं यासिन महमद पटेल (२८, मुर्डेश्वर – कर्नाटक) आनी अजित रमाकांत शेट (३५, मुर्डेश्वर – कर्नाटक) ह्या दोग दुबावितांक अटक केल्ली.
कुर्टे कांय म्हयन्यां आदीं फ्लॅटांत चोरी करून भांगराच्यो वस्ती आनी रोख रक्कम चोरी केल्ल्या प्रकरणांत अनिसाक ताब्यांत घेतला. फोंडें पुलीस स्टेशनाचो एक पंगड उत्तर प्रदेशांत गेल्लो. पर्वरी पुलिसांनी एके चोरये प्रकरणांत यासिन महमद पटेल आनी अजित रमाकांत शेट हांकां अटक केले उपरांत फोंडें वाठारांतले चोरये विशीं कळिल्लें. अनिस अब्दुल शेख हो मुखेल सुत्रधार आशिल्ल्याचें स्पश्ट जाल्लें. मात दुबावितान आपल्या मूळ गांवाक पळ काडले उपरांत फोंडें पुलिसांचो पंगड निरीक्षक विजयनाथ कवळेकार हांच्या मार्गदर्शना खाला उत्तर प्रदेशांत गेल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
