भांगरभूंय | प्रतिनिधी
वाळपय: म्हावूस सत्तरेच्या देवकी देवगो गांवकार हांच्या घराक काल (शुक्रारा) अचकीत उजो लागून व्हड प्रमाणांत लुकसाण जाल्ल्यान कुटुंबाक मोटो फटको बसलाे. थळाव्या लोकांनी धांव घेवन उजो पालोवपी दळाच्या जवाना वांगडा उजो पालोवपाचें काम हातांत घेतिल्ल्यान व्हड अनर्थ टळ्ळो. नाजाल्यार पुराय घर उज्याचे भकीक पडपाचें अशी म्हायती थळाव्यां कडल्यान मेळ्ळी.
म्हावूस गांवांतल्या देवकी गांवकार हांच्या घराक काल अचकीत उजो लागलो. सांजवेळा उजो लागपाची म्हायती मेळटकच ग्रामस्थांनी घडणूक थळार धांव घेवन उजो पालोवपाचो यत्न केलो. पूण तो येसस्वी थारलो. निमाणें वाळपय उजो पालोवपी दळाच्या जवनांक आपोवन उजो पालोवपाक येस मेळयलें. थळाव्यांनी दिल्ले म्हायती प्रमाण देवकी गांवकार आनी तिचो पूत ह्या घरांत रावतात. अर्थीक परिस्थिती कमकुवतूच आसा. हीं दोगांय संघर्श करून आपलो संवसार चलयतात.
ह्या उज्यांत घरांतल्या सामानाचें व्हड प्रमाणांत लुकसाण जालें. घरगुती वस्तू लासून गोबर जाल्यो. पाखें पुरायेन लासून गेलां. हाका लागून व्हड प्रमाणांत लुकसाण जालां अशी म्हायती थळाव्यां कडल्यान मेळ्ळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
