भांगरभूंय | प्रतिनिधी
दिवचल प्रतिनिधी : कोंकणी भाशा मंडळ गोंय आयोजीत 26व्या गोवा युवा महोत्सवाचे येवकाराध्यक्ष म्हणून दिवचलचे आमदार डाॅ. चंद्रकांत शेटये हांची निवड जाल्या. हो युवा महोत्सव 25 आनी 26 जानेवारी 2025 दिसा नारायण झांटये वाणिज्य महाविद्यालय, सर्वण आनी युवा जैतीवंत, दिवचल पंगडाच्या जोडपालवान नारायण झांटये वाणिज्य महाविद्यालयाच्या पटांगणांत जातलो.
डाॅ चंद्रकांत शेटये हे दोळ्यांचे दोतोर. फाटलीं 18 वर्सां ते दोतोरकी करतात.तशेंच गोवा इन्फोटॅक महामंडळाचे ते अध्यक्ष आसात. राजकीय तशेंच समाजीक मळार तांणी व्हड कार्य केलां. 26व्या गोवा युवा महोत्सवाचें येवकाराध्यक्ष पद डाॅ. चंद्रकांत शेटये हांका दितना कोंकणी भाशा मंडळाक खोस भोगता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
