भांगरभूंय | प्रतिनिधी
कारवार, खबरां संस्था ः हावेरी जिल्ह्यांतल्या हणगल तालुक्यांतल्या कोप्परसिकोप्प गांवांत अनैतिक संबंद आशिल्ल्याच्या दुबावावेल्यान एकल्याक जिवेशी मारलो. ही घडणूक बिरेस्तारा 26 डिसेंबराक सांजवेळार घडली. उल्लेख केल्ल्या मनशाक लायटीच्या खांब्याक बांदून ताका चप्पलांचो हार घालून ताच्या आंगाचेर पेट्रोल ओंतून ताची हत्या केली.
मेळिल्ले म्हायती प्रमाण, हत्या केल्ल्या मनशाचो शेजाराचे लग्न जाल्ले बायले कडेन अनैतिक संबंद आशिल्ले. घडणुकेच्या दिसा तो मनीस ते बायलेच्याच घरांत सांपडलो. ताका लागून बायलेच्या घोवा सयत धा जाणांनी मेळून ताची हत्या केल्ल्याची म्हायती मेळ्ळ्या. संबंदीत बायल आनी कुटुंबांतल्या हेर कांय वांगड्यांक मारपेट केल्ल्याचेंय कळटा. जखमींचेर हणगल भलायकी केंद्रांत उपचार चालू आसात.
ह्या प्रकरणांत हाणगल पुलिसांनी बायलेच्या घोवा सयत स जाणांक अटक केल्या. आनी तांचे आड गुन्यांव नोंद केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
