भांगरभूंय | प्रतिनिधी
नवी दिल्ली, खबरां संस्था ः राश्ट्रीय चिन्नांचो गैरवापर बंद करपा खातीर केंद्र सरकार बेगीनूच दंड आनी बंदखणीची ख्यास्त दिवपाची तरतूद करतलें. ह्या कायद्यांत प्रधानमंत्री आनी राष्ट्रपती हांचीं नांवां, फोटो आनी राश्ट्रीय चिन्नांचो गैरवापर केल्यार ख्यास्त वाडोवन पांच लाख रुपया दंड आनी बंदखणीची तरतूद करपाचो प्रस्ताव आसा. त्याच वेळार दोन वेगवेगळ्या मंत्रालयांचे दोन संबंदीत कायदे एकठांय करून एका मंत्रालयाच्या खाला खर कायदो करपाचो विचारुय सुरु आसा.
सद्या गृह मंत्रालयाच्या खाला भारताचे राज्य चिन्न (अयोग्य वापर प्रतिबंध) कायदो, 2005 आनी उद्देग मंत्रालयाच्या खाला चिन्नां आनी नांवां (अनुचित वापर प्रतिबंध) कायदो, 1950 लागू आसा.
सूत्रांनी दिल्ले म्हायती प्रमाण दोनूय मंत्रालयां मदीं जाल्ले चर्चे वेळार हो प्रस्ताव मुखार आयला. खाजगी कंपनींच्या आनी स्वयंसेवी संस्थांच्या नांवानी इंडिया, कमिशन, कॉर्पोरेशन, ब्युरो ह्या उतरांचो वापर वाडत आशिल्ल्यान तशेंच राश्ट्रीय चिन्नांचो गैरवापर जावप अशो घडणुकीय घडतात देखून खर कायदो करपाची गरज आसा. ताका लागून हो बदल करतात.
2019 वर्सा गिरायक वेव्हार मंत्रालयान राष्ट्रीय चिन्नांचो गैरवापर केल्ल्या दंडांत बदल करपाची सुचोवणी केल्ली. मंत्रालयान पयलेच खेपे तशें करपी लोकांक एक लाख रुपया दंड घालपाचो प्रस्ताव मांडलो. त्याच वेळार दुसरे खेपे गुन्यांवकारांक पांच लाख रुपया दंड आनी 6 म्हयने बंदखणीची तरतूदेची सुचोवणी केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
