भांगरभूंय | प्रतिनिधी
जैसलमेर, खबरां संस्था: जैसलमेरांत जीएसटी काउन्सिलाची ५५वी बसका जाली. केंद्रीय अर्थमंत्री निर्मला सीतारामन हांचे अध्यक्षते खाला ही बसका जाली. मिडिया रिपोर्ट्स प्रमाण, ऑटोक्लेव्हड एरेटेड कॉंक्रीट (AAC) ब्लॉक्स, जातूंत ५०% परस चड फ्लाय ऍश आसता, तें HS कोड ६८१५ खाला दवरतले. ह्या बदला उपरांत ह्या ब्लॉक्सार १८% जाग्यार १२% GST लागू जातली.
पॉपकॉर्न खावप जालें म्हारग
फोर्टिफायड तांदळाची कर रचणूच सोपी करून, कौन्सिलान ताचेर ५% जीएसटी लावपाचो निर्णय घेतला, तो खंयच्या हेता खातीर वापरता हाची पर्वा करिनासतना, ताचे वांगडा रेडी टू इट पॉपकॉर्नवेल्या कर दरा विशींची पुराय म्हायती मुखार आयली. सामान्य मीठ आनी मसाल्यांनी तयार केल्ले पॉपकॉर्न, पॅक केल्ले आनी लेबल केल्ले नासल्यार, ५% जीएसटी लागू जातली. जर ते पॅक केल्ले आनी लेबल केलेले आसल्यार ताचो दर १२% आसतलो. तर कॅरमेल सारक्या साखरे पसून तयार केल्ले पॉपकॉर्न शुगर कन्फेक्शनरीचे श्रेणींत दवरल्यात आनी ताचेर १८% GST लागू जातलो.
पोरण्यां वाहनांचेर जीएसटी दरांत वाड
इलेक्ट्रिक वाहनां सयत पोरण्या आनी वापरिल्ल्या वाहनांचे विक्रेचेर जीएसटी दर १२% वेल्यान १८% केला. विमा प्रकरणांवेलो निर्णय तात्पुरतो फुडें धुकल्ला. मंत्रिगटाचे (GoM) बसकेंत ह्या विशयाचेर एकमत जावंक ना, म्हणून ते मुखार तापसा खातीर धाडला.
परीशद १४८ वस्तूंचेर लादिल्ल्या कर दरांचेर परत विचार करता. घड्याळ, पेन, शूज आनी कपडे अश्या लक्झरी वस्तूंचेर कर वाडोवपाच्या प्रस्तावाचोय तातूंत आसपाव आसा. तशेंच, सिन वस्तूं खातीर स्वतंत्र ३५% कर स्लॅब लागू करपाचेर चर्चा जातली. स्विगी आणि झोमॅटो सारक्या फूड डिलिव्हरी प्लॅटफॉर्मचेर कर दर १८% वेल्यान ५% मेरेन उणो करपाचो प्रस्ताव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
