भांगरभूंय | प्रतिनिधी
भांगरभूंय ।प्रतिनिधी
पणजीः गोंय राज्य प्रदुशण नियंत्रण मंडळाच्या अध्यक्ष आनी वांगडी सचीव हांचो कार्यकाळ सोपपांक पावलां. तांचे जाग्यार नवी अध्यक्षांची नेमणूक करपा खातीर पर्यावरण आनी हवामान बदल खात्यान अर्ज मागयल्यात. नवीन अध्यक्षाचो कार्यकाळ तीन वर्सां खातीर आसतलो, अशी कळोवणी पर्यावरण आनी हवामान बदल खात्यान काडला.
खात्यान काडिल्ले कळोवणे प्रमाण गोंय उदक नेम आनी वायू नेम तेच बरोबर गोंय राज्य प्रदुशण नियंत्रण मंडळ नेम 2016 खाला अध्यक्ष आनी वांगडी पदां खातीर इच्छुक उमेदवारांकडे मान्यताय आशिल्ली विद्यापीठ वा संस्थेतल्यान पर्यावरण विशयात विज्ञानात पदव्युत्तर वा आभियांत्रिकींत पदवी शिक्षण, पर्यावरण वेवस्थापनांत डॉक्टरेट पदवी आनी मान्यताय आशिल्ले विद्यापीठ वा संस्थेत अणभव सक्तीचो आसा.
इच्छुकां खातीर पिराय मर्यादा 66 वर्सा इतली आसा. इच्छुकांक 20 वर्सां सेवेंत आसपाक जाय तशेंच विशेश गिन्यान आनी प्रदुशण नियंत्रण, उदक प्रक्रिया आनी वायु प्रदुशण माक्ना हातळपाचो 10 वर्सांचो अणभव आसपाक जाय. ना जाल्यार तो राज्य सरकार वा भौशिक संस्थेचो अधिकारी आसपाक जाय.
इच्छूकां खातीर 15 वर्सा गोंयचो राबितो दाखलो आनी कोंकणीचे गिन्यान सक्तीचें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
