भांगरभूंय | प्रतिनिधी
पणजी : दयानंद सामाजीक सुरक्षा येवजणे खाला (डीएसएसवाय)व्हड निर्णय घेतला. २१ वर्सां पिराये सकयलें अपत्य आशिल्ल्या विधवांक मेळपी मासीक अर्थीक मजतींत सरकारान १,५०० रुपयांची वाड केल्या. तांकां आतां २,५०० रुपयांच्या जाग्यार ४ हजार रुपयांची अर्थीक मजत मेळटली. समाज कल्याण खात्यान हे विशींची अधिसुचवणी जारी केल्या.
राज्यांतल्या विधवांक ‘डीएसएसवाय’ येवजणे खाला सरकारा कडल्यान दरेका म्हयन्यान २,५०० रुपयांची अर्थीक मजत दिताले. मात सरकारान हे येवजणेंत बदल करून ज्या विधवांचें व्हड अपत्य २१ वर्सां सकयल आसा तांकां २,५०० रुपयांच्या जाग्यार ४ हजार रुपयांची अर्थीक मजत दिवपाचें निश्चीत केलां. येवजणे खातीर पात्र थारिल्ल्या विधवांक गृहआधार येवजणेचो लाव मात दिवचे नात. तशेंच व्हड अपत्य २१ वर्सां वयर आशिल्ल्या विधवांचें अर्थसहाय्य २,५०० रुपया इतलेंच दवरलां. मजगतीं, राज्यांतल्यो हजारांनी विधवा सरकाराचे हे येवजणेचो लाव घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
